Ndeshja mes Serbisë dhe Shqipërisë është zhvendosur nga Beogradi për në Leskovac, pas shqetësimeve dhe tensioneve që lidhen me grupet huligane.
Sipas një marrëveshjeje mes Federatës Shqiptare të Futbollit dhe asaj serbe, tifozët e kundërshtarëve do të jenë të ndaluar në këto ndeshje.
Kjo është e njëjta situatë që u krijua më 7 qershor 2025, kur në Tiranë nuk pati tifozë serbë.
Për sfidën në Leskovac, e cila do të zhvillohet në një stadium të ri me kapacitet 8,000 ulëse, nuk do të lejohet pjesëmarrja e tifozëve shqiptarë, të paktën zyrtarisht.
Pas sjelljes problematike të tifozëve serbë gjatë humbjes ndaj Anglisë, FIFA mund të reduktojë numrin e tyre në stadium deri në 50%.
Ky vendim ka shkaktuar një kontradiktë, duke pasur parasysh që të dyja federatat do të bashkëorganizojnë Euro 2027 për 21-vjeçarët, ndërkohë që për ndeshjet e tyre respektive, nuk lejohen tifozët.
