Ditën e sotme në ambientet e Kryesisë së Kuvendit po zhvillohet Konferenca e Kryetarëve. Në mbledhje opozita ka marrë pjesë dhe ka kërkuar debat pa kufizim kohor për programin qeverisës.
Kryetari i Grupit Parlamentar të Partisë Demokratike, Gazment Bardhi tha që secili deputet duhet të ketë mundësinë e debatit.
“Kërkojmë që të ketë debat mbi programin qeverisës dhe prezantimin e qeverisë. Është moment i rëndësishëm dhe secili deputet duhet të ketë mundesinë e debatit,” tha Bardhi.
