Spanja dhe Norvegjia po nisin një iniciativë të përbashkët për të krijuar një fond që do të mbështesë Autoritetin Palestinez i cili prej kohësh po përballet me mungesë të të ardhurave për shkak të bllokimit të taksave nga Izraeli.
Kjo nismë vjen në një moment të tensionuar, ndërsa tensionet në Rripin e Gazës vazhdojnë të rriten dhe debati për të ardhmen e shtetit palestinez është më i fortë se kurrë.
“Spanja dhe Norvegjia do të punojnë për të vënë në tryezë një fond i cili të ndihmojë në kompensimin e humbjeve të qeverisë palestineze në Bregun Perëndimor për të ardhurat tatimore që po mban Izraeli. Ky i fundit po përpiqet të shkatërrojë me bomba idenë dhe mundësinë e një shteti palestinez, e po kryen në Gaza një masakër të vërtetë”, shprehet Jose Manuel Albares, Ministër i Jashtëm i Spanjës.
