Kryeministri i Kosovës, Albin Kurti ka reaguar në lidhje me vendimin e Shteteve të Bashkuara të Amerikës për pezullimin e përkohshëm të dialogut strategjik.
Kurti gjatë mbledhjes së sotme të qeverisë së Kosovës, u shpreh se marrëdhëniet mes dy vendeve nuk janë prishur. Ai ka pranuar që ka dallime mes tyre.
“Ne duam të qartësojmë për qytetarët tanë se bëhet fjalë për pezullimin e planifikimit për dialog strategjik, jo të dialogut strategjik si proces të nisur, e as të komunikimit të rregullt që ne e kemi. Nuk jemi prishur me Amerikën, por kemi disa dallime.”, deklaroi Kurti.
