Partia Demokratike ka depozituar një kërkesë në Këshillin për Legjislacionin, duke kërkuar shkarkimin nga detyra të kryetarit të Kuvendit, Niko Peleshi.
“Kështu, kryetari i Kuvendit, Z. Niko Peleshi, ka vepruar në shkelje të rëndë të Kushtetutës dhe Rregullores së Kuvendit, duke përdhosur parlamentarizmin dhe minuar funksionimin demokratik të Kuvendit. Në këto kushte, Këshilli për Legjislacionin duhet të fillojë menjëherë procedurën për shkarkimin e saj nga detyra.”, thuhet në shkresë.
Në seancën e 16 shtatorit, PD pretendon se Kuvendi është thirrur në kundërshtim me afatet minimale të parashikuara nga Rregullorja dhe se projektvendimet janë miratuar me procedurë të përshpejtuar antikushtetuese, duke u mohuar opozitës mundësinë për të diskutuar apo kundërshtuar ndryshimet në Rregulloren e Kuvendit.
