Gjendja e tri motrave të mitura në Korçë, të cilat u shtruan në spital pas konsumimit të karameleve që përmbanin substancë narkotike kanabis sativa po përmirësohet ndjeshëm.
Vajzat në moshat 3, 7 dhe 11 vjeç, ndodhen nën kujdesin e mjekëve në spitalin e Korçës.
Dy vajzat më të mëdha tashmë janë jashtë rrezikut dhe në gjendje të qëndrueshme, ndërsa motra më e vogëL 3-vjeçare është stabilizuar dhe vijon të mbahet nën mbikëqyrje të veçantë në reanimacion.
Ngjarja tronditi komunitetin ndërsa autoritetet po vijojnë hetimet për të sqaruar rrethanat dhe mënyrën se si karamelet me përbërje narkotike përfunduan në duart e fëmijëve.
