Kryeministri izraelit Benjamin Netanyahu e quajti njohjen e shtetit palestinez nga Britania, Kanadaja dhe Australia si një “shpërblim për terrorizmin”. Ai njoftoi se Izraeli nuk do të lejojë krijimin e një shteti palestinez në perëndim të lumit Jordan.
Netanyahu tha se përgjigjen ndaj kësaj iniciative do ta japë pas kthimit nga vizita në Shtetet e Bashkuara, ku do të takohet me Presidentin Donald Trump. Ai paralajmëroi gjithashtu se Izraeli do të vazhdojë zhvillimin e vendbanimeve hebraike në Bregun Perëndimor.
Në këtë situatë, brenda koalicionit qeverisës në Izrael ka presion për aneksimin e disa pjesëve të Bregut Perëndimor, përfshirë edhe Luginën e Jordanit.
