Një përleshje mes dy grupeve, shqiptarë dhe tunizianë, shpërtheu sot në sheshin qendror Piazza Gramsci në Scicli, Itali, rreth orës 14:00.
Dy persona u plagosën gjatë konfliktit, ndër ta një 28-vjeçar shqiptar, i cili ndodhet në gjendje kritike në spitalin Baglieri në Modica.
Ngjarja ka ndodhur për shkak të një konflikti të mundshëm për ndarjen e territorit. Autoritetet italiane, përfshirë karabinierët e Scicli-t dhe Modica-s, po hetojnë ngjarjen dhe po përpiqen të sqarojnë rrethanat e konfliktit.
