Policia e Korçës ka arrestuar një 34-vjeçar, i cili shpërndante kokainë dhe kanabis në zona të ndryshme të qytetit.
Shërbimet e Forcës së Posaçme “Shqiponja” ushtruan kontroll në një automjet, pasi dyshohej se në këtë automjet lëvizte personi i dyshuar për shitje të narkotikëve.
Gjatë kontrollit fizik të 34-vjeçarit me iniciale P.T., u gjetën dhe sekuestruar një sasi lënde të dyshuar narkotike, kokainë, të ndarë në doza, gati për shitje. Gjithashtu gjatë kontrollit në banesat e tij u gjet një tjetër sasi kokaine dhe kanabisi.
Ndërsa materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
