Siria ka njoftuar se më 5 tetor do të zhvillojë zgjedhjet e saj të para parlamentare që prej krijimit të administratës së re, nën drejtimin e udhëheqësit të përkohshëm Ahmed al-Saraa.
Komisioni i Lartë Zgjedhor bëri të ditur se procesi do të zhvillohet me një sistem të përkohshëm elektoral, që synon krijimin e një legjislature të re brenda 2 deri në 3 muajve.
Megjithatë, në tri provinca të vendit – Suvejda, Hasaka dhe Raka – zgjedhjet u shtynë për shkak të situatës së sigurisë, dhe vendet e këtyre zonave do të mbeten vakante derisa të krijohen kushtet e nevojshme për zhvillimin e votimeve në mënyrë të sigurt.
