Deputeti i PD Agron Gjekmarkaj ka kritikuar ashpër mazhorancën pas daljes nga Konferenca e Kryetarëve duke e akuzuar për ndërhyrje në punën e Parlamentit dhe përjashtimin e opozitës nga proceset vendimmarrëse.
Ai theksoi se shumica ka kufizuar hapësirën për debat dhe ka shmangur transparencën në seancën e dytë parlamentare, duke kërkuar anulimin e dënimeve ndaj deputetëve të opozitës dhe një përsëritje të seancës.
“Në këtë kontekst, kërkova përsëritjen e seancës plenare, thirrjen e Komisionit të Legjislacionit dhe anulimin e dënimeve të padrejta ndaj deputetëve të opozitës,” tha ai, duke paralajmëruar se opozita do të drejtohet në Gjykatën Kushtetuese.
