Detaje të reja janë zbardhur nga plagosja me armë zjarri e 37-vjeçarit Skerdi Mehmetaj alias Piperi në Vlorë.
Policia ka arrestuar 37-vjeçarin për armëmbajtje pa leje. Ai është vetëplagosur jashtë ambienteve të lokalit në zonën e Lungomares dhe më pas ka hedhur armën e zjarrit brenda një makine tip “Audi” me ngjyrë të bardhë që ishte aty pranë.
Më pas 37-vjeçari ka shkuar në spital i plagosur pasi plumbi e ka kapur në pjesën e këmbës. Ai në spital ka konfirmuar ngjarjen duke dhënë dëshmi përpara grupit hetimor dhe duke thënë se është vetëplagosur.
Ai e ka hedhur armën në makinën afër në mënyrë që ti shpëtonte veprës penale “armëmbajtje pa leje”.
