Ambasadori i BE-së në Tiranë, Silvio Gonzato u takua sot me kryetarin e Parlamentit, Niko Peleshi. Gonzato theksoi rolin e rëndësishëm të kryetarit të Parlamentit në sigurimin e dialogut të hapur dhe debatit konstruktiv në Parlament mbi të gjitha reformat që lidhen me BE-në.
Ai vuri në dukje edhe rëndësinë që të gjitha forcat politike të jenë të afta dhe të gatshme të kontribuojnë në proces.
“Ai theksoi gjithashtu nevojën për një Parlament më transparent që e afron Kuvendin me njerëzit dhe i bën qytetarët pjesë të udhëtimit evropian të Shqipërisë. Delegacioni i BE-së do të vazhdojë të punojë dhe ta mbështesë Parlamentin në këtë proces të rëndësishëm transformues”, thuhet në njoftimin e amabasadës.
