21-vjeçari shqiptar, Erald Kamberi është dënuar me 10 vite burg nga Gjykata e Kurorës në St Albans. Ai shkaktoi një aksident me vdekje me 1 gusht të këtij viti në rrugën London Road, pranë kryqëzimit me Amwell End dhe Station Road.
Shqiptari duke drejtuar një Vauxhall Astra të bardhë u përplas me një moped Honda WW që drejtohej nga Phillip “Phil” Bruce, 34 vjeç, i cili humbi jetën në vendngjarje.
Në seancë gjykatësi tha se shqiptari po lëvizte me shpejtësi ekstreme, në krahun e gabuar të rrugës, pa patentë dhe pa siguracion, në përpjekje për t’iu shmangur policisë.
Shqiptari përveç dënimit me burg u ndalua nga drejtimi i automjeteve për 15 vjet, me kusht që pas përfundimit të dënimit të kalojë një test të zgjeruar për rikthim në timon.
