Zëvendëskryeministri dhe ministri i jashtëm italian (lideri i Forza Italia), Antonio Tajani, në margjinat e “Libertà”, festës së partisë së tij ka deklaruar se Italia nuk blen më gaz rus.
“Nuk ekzistojnë rregulla europiane që e ndalojnë këtë, por Italia nuk blen më gaz rus.“, u shpreh Tajani.
Ndërsa po fliste për situatën e luftës në Ukrainë dhe sanksionet që Bashkimi Europian planifikon të marrë ndaj Moskës, ai tha se: Italia furnizohet me gaz nga vendet e Azisë Qendrore, nga Algjeria, Libia dhe me gaz të lëngshëm nga Shtetet e Bashkuara.
Tajani shtoi se presidenti amerikan, Donald Trump thotë se Europa duhet të bëjë më shumë, por sipas tij nuk i referohet Italisë.
