Deputetja e Partisë Socialiste, Klodiana Spahiu, ka reaguar nga foltorja e Kuvendit ndaj deklaratave të përfaqësuesve të opozitës, duke theksuar se debati politik duhet të zhvillohet me dinjitet dhe gjuhë të matur.
Ajo u ndal te rëndësia e respektit në komunikim, veçanërisht ndaj grave dhe vajzave në jetën publike, duke theksuar se në historinë parlamentare shqiptare kanë kontribuar personalitete të mençura, si burra ashtu edhe gra.
“Të gjitha 19 projektligjet janë rikthyer dhe diskutuar në sesionin e mëparshëm. Këtu ka pasur burra shteti që kanë ditur të mbështesin gra dhe vajza. Dua të theksoj rëndësinë e kujdesit në gjuhën që përdorim, veçanërisht për të shmangur çdo formë ofendimi ndaj grave dhe vajzave që janë pjesë e Parlamentit. Ne nuk jemi këtu për të toleruar fyerje nga burrat,” tha deputetja.
