Shtëpia e Bardhë ka publikuar detaje të planit të presidentit amerikan Donald Trump për paqen në Gaza.
Nëse palët pranojnë propozimin, pengjet e mbajtura nga Hamasi do të lirohen brenda 72 orëve, qofshin të gjallë apo të vdekur. Në këmbim, Izraeli do të lironte 250 të burgosur palestinezë.
Trump po zhvillon një takim me kryeministrin izraelit Benjamin Netanyahu në Shtëpinë e Bardhë, ku do të diskutohet plani 21-pikësh për përfundimin e konfliktit në Rripin e Gazës. Takimi po zhvillohet në Zyrën Ovale dhe është i mbyllur për mediat.
