Këngëtarja Cassie Ventura ka shprehur publikisht frikën e saj për hakmarrje nga reperi Sean “Diddy” Combs, vetëm pak ditë para se gjykata të japë vendimin për dënimin e tij.
Në një letër drejtuar gjyqtarit, ajo kërkoi një vendim që reflekton realitetin e abuzimit që ka përjetuar gjatë lidhjes 11-vjeçare me Diddy, duke përshkruar episode të rënda dhune fizike, abuzim seksual dhe kontroll emocional.
“Jam ende e frikësuar për atë që ai është i aftë të bëjë,” shkroi ajo, ndërsa tregoi se ka zhvendosur familjen për t’u mbrojtur nga një hakmarrje e mundshme.
Diddy është shpallur fajtor për dy akuza prostitucioni, secila me dënim deri në 10 vjet burg. Vendimi pritet më 3 tetor.
