Trajneri i Tiranës, Roberto Bordin, u shpreh i lumtur pas fitores bindëse 0-3 ndaj Partizanit në derbin e kryeqytetit. Ai theksoi se skuadra e tij e nisi ngritjen që nga pjesa e dytë e ndeshjes me Dinamon dhe se lojtarët e kishin merituar plotësisht këtë triumf.
Bordin falënderoi tifozët, presidentin dhe vlerësoi kontributin e gjithë skuadrës, sidomos në aspektin mbrojtës. Ai u ndal edhe te lojtari i ri Vogli, për të cilin tha se ka të ardhme të ndritur.
“Fitoret sjellin besim dhe e rrisin moralin e skuadrës. Sot dhamë maksimumin, me dëshirë, karakter dhe shpirt gare. Kjo fitore ishte rezultat i një jave pune intensive dhe përqendrimi të lartë,” u shpreh tekniku bardheblu.
