Dy persona, Gentjan Ndreko dhe Ana Pelanaj, janë arrestuar nga policia në Fier pasi në automjetin e tyre është gjetur një pistoletë.
Gjatë kontrollit, ata tentuan të largohen, por u kapën menjëherë nga forcat e rendit. Përveç armës, u sekuestruan edhe automjeti dhe dy celularë.
Të arrestuarit po hetohen për mbajtje pa leje të armëve dhe mosbindje ndaj policisë, ndërsa materialet iu kaluan Prokurorisë për veprime të mëtejshme.
