Në prag të supersfidës ndaj Milanit, Juventus po vijon përgatitjet me disa shqetësime nga stërvitja e fundit.
Mbrojtësi Bremer, i cili mungoi në ndeshjen e Ligës së Kampioneve kundër Vijarealit, vazhdon të stërvitet veçmas dhe ka pak gjasa të jetë titullar.
Trajneri Tudor po shqyrton alternativa për mbrojtjen.
Nga ana tjetër, Turam është rikuperuar pjesërisht dhe po stërvitet me grupin, me shpresën që do të jetë në formë të plotë për të luajtur pranë Lokatelit në mesfushë.
Skuadra bardhezi vazhdon balancimin mes pushimit dhe përgatitjes fizike për një ndeshje që pritet të jetë test i vërtetë për ekipin.
