Një aksident ka ndodhur në aksin rrugor Qukës-Golic, ku tre persona kanë pësuar lëndime. Policia ka nisur hetimet dhe ka proceduar penalisht dy drejtuesit e automjeteve, 34-vjeçarin F.K dhe 37-vjeçarin L.Ç.
Mësohet se 37-vjeçari ka braktisur vendin e ngjarjes pas aksidentit, por më pas është paraqitur në komisariat.
Tre të plagosurit ndodhen nën kujdesin e mjekëve dhe janë jashtë rrezikut për jetën.
Autoritetet vijojnë hetimet për zbardhjen e plotë të shkaqeve dhe rrethanave të aksidentit.
