Brunilda Mersini, deputete aktuale e Partisë Socialiste, ka reaguar pas përzgjedhjes së saj si kandidate për kryebashkiake të Vlorës në zgjedhjet lokale të ardhshme.
Në një postim në rrjetet sociale, ajo shprehu mirënjohjen dhe përgjegjësinë që i është dhënë përfaqësimit të qytetit të saj.
Mersini theksoi se kandidatura nuk është një garë personale, por një angazhim për të dëgjuar çdo qytetar dhe për të ndërtuar bashkëpunim për një të ardhme më të mirë për Vlorën. Ajo falënderoi kryeministrin Edi Rama, drejtuesit politik Bledi Çuçi dhe strukturat e PS-së për mbështetjen e vazhdueshme.
“Për mua kjo është një rrugëtim zemre për Vlorën,” tha Mersini, duke premtuar punë dhe përkushtim për qytetin dhe banorët e tij.
