Një ngjarje e rëndë ka ndodhur sot në mesditë në Vlorë, ku një 70-vjeçar, punonjës i pastrimit, është sulmuar nga persona ende të paidentifikuar.
Sulmi ndodhi pranë tregut të Çoles, dhe i moshuari, Kozma Kukli, u dërgua me urgjencë në spital, në gjendje të rëndë.
Ai ka dëmtime të shumta në kokë dhe në sy, dhe rrezikon humbjen e shikimit.
Sipas dëshmisë së tij, dy persona e goditën papritur pas daljes nga një furgon.
Policia po heton dhe po verifikon kamerat e sigurisë për të identifikuar autorët.
