Kombëtarja shqiptare ka dalë me një fitore historike nga përballja me Serbinë, duke triumfuar me rezultatin 1-0 në sfidën e zhvilluar në Leskovac.
Goli i vetëm i ndeshjes u shënua në minutën 45+1 nga Rei Manaj, me një goditje të fuqishme pas një goditje dënimi të ekzekutuar me zgjuarsi.
Kuqezinjtë u treguan të disiplinuar dhe të vendosur gjatë gjithë takimit, duke mbrojtur me sukses avantazhin dhe duke i rezistuar presionit të Serbisë në pjesën e dytë.
Portieri Strakosha ishte ndër më të spikaturit në fushë, me disa pritje vendimtare që siguruan tri pikët për Shqipërinë.
