Partia “Mundësia”, e drejtuar nga Agron Shehaj, ka nisur procedurat për pajisjen me seli qendrore pas zgjedhjeve parlamentare të 11 majit 2025.
Në një shkresë drejtuar Komisionit Qendror të Zgjedhjeve, nënshkruar nga nënkryetari Erald Kapri, partia kërkon lëshimin e një vërtetimi zyrtar që të pasqyrojë përqindjen e votave, numrin e mandateve në Kuvend, dhe çdo të dhënë tjetër për rezultatin e saj.
Kjo kërkesë bëhet në bazë të ligjit për partitë politike dhe vendimit të Këshillit të Ministrave, për t’i mundësuar “Mundësisë” të marrë zyrat dhe selinë qendrore që i përket si parti parlamentare.
