Politikani Etien Xhafa, i ftuar në emisionin “5 Pyetjet nga Babaramo” në Report TV, komentoi mbi pjesëmarrjen dhe dinamikat e zgjedhjeve në Prishtinë dhe Prizren. Ai theksoi rëndësinë e mobilizimit të votuesve dhe ndikimin që aleancat politike do të kenë në rezultatet përfundimtare.
“Në Prishtinë tani kanë votuar më shumë se para 4 viteve. Nëse mobilizohet edhe ajo pjesë e votuesve që nuk kanë kaluar, kjo do të jetë shumë domethënëse. Një element tjetër shumë i rëndësishëm është rënia e numrit të votuesve. Sa i përket aleancave që përmendni, nuk duhet të jetë një garë shumë e ngushtë, sepse do t’i kërkohet PDK-së si partia e dytë, dhe kjo do të ketë një impakt të menjëhershëm. Ndikim nuk do të ketë vetëm Prishtina, por edhe Prizreni që luan një rol të madh,” shprehet Xhafa.
