Gjykata Kushtetuese ka marrë një vendim të rëndësishëm, duke i dhënë Presidentit të Republikës të drejtën për të shpallur vakancën për vendin e anëtares Sonila Bejtja.
Në vendimin e saj, Gjykata ka sqaruar interpretimin mbi mandatin e anëtarëve aktualë, duke theksuar se në këtë periudhë tranzitore do të zbatohet parimi i përteritjes së pjesshme të përbërjes. Ky mekanizëm është vendosur për të garantuar rikthimin në funksionim normal të institucionit, pas krizës kushtetuese që ka shoqëruar vitet e fundit.
Gjykata saktëson se në të ardhmen do të respektohet mandati i plotë 9-vjeçar për çdo anëtar, siç parashikon Kushtetuta. Por për rastet aktuale që janë pjesë e fazës së rindërtimit institucional, prioritet ka ruajtja e kalendarit të përteritjes, për të siguruar stabilitet dhe balancë në funksionimin e institucionit.
