Ish-prefekti i Tiranës, Ruzhdi Keçi, gjatë protestës për lirimin e komandantëve të UÇK-së në Hagë, theksoi rëndësinë e mikpritjes që Tirana i ka dhënë familjeve nga Kosova, të cilat u detyruan të largohen nga gjenocidi serb.
“Ky qytet ka hapur gjithmonë zemrën për çdo shqiptar që ka ikur nga lufta, duke treguar se është vërtet kryeqyteti i shqiptarëve,” tha Keçi.
Ai po ashtu theksoi se lufta e Ushtrisë Çlirimtare të Kosovës është simbol i qëndresës dhe luftës për liri e ekzistencë: “UÇK nuk ishte organizatë kriminale, por një forcë që luftoi për ekzistencën e kombit shqiptar. Liria dhe drejtësia për udhëheqësit e saj janë kauza e të gjithë shqiptarëve.”
