Java e shtatë e Kategorisë Superiore vijoi këtë të shtunë me dy ndeshje pa shumë histori në tabelën e shënimeve. Tirana, pas fitores në derbin ndaj Partizanit, nuk arriti të shkojë më shumë se një barazim 0-0 ndaj Teutës në “Air Albania”. Ndonëse pati raste për të dyja skuadrat, mungoi saktësia para portës.
E njëjta tablo u pa edhe në Rrogozhinë, ku kampionët në fuqi të Egnatias nuk gjetën dot rrugën e golit përballë Dinamos. Kryeqytetasit e mbyllën takimin me 10 lojtarë, pasi Loran u ndëshkua me karton të kuq në minutat e fundit, por as kjo nuk ndryshoi fatin e ndeshjes.
Dy barazime që ngadalësojnë ritmin e skuadrave pretendente në garën për kreun.
