Autoritetet greke po vijojnë hetimet për vrasjen e dyfishtë në Finikounda, ku humbën jetën pronari grek i një kampingu dhe kujdestari i tij shqiptar. Sipas raportimeve, viktima kishte lënë gjysmën e pasurisë së tij – që mund të arrinte deri në 30 milionë euro – trashëgimi për shqiptarën.
Hetuesit kanë marrë në pyetje dëshmitarë kyç, mes tyre dhe punëdhënësin e njërit prej të dyshuarve, një 22-vjeçar që pretendon se kishte qenë viktimë e abuzimit seksual nga pronari i vrarë. Ai dhe një tjetër i dyshuar, një greko-britanik, akuzojnë njëri-tjetrin për autorësinë e krimit.
Ngjarja mbetet ende nën hetim, ndërsa policia po shqyrton edhe prova të mëparshme, përfshirë një tentativë vrasjeje ndaj të njëjtit person në shtator.
