Zyra Evropiane Kundër Mashtrimit (OLAF) ka zbuluar shkelje serioze dhe parregullsi në menaxhimin e fondeve IPARD në Shqipëri, duke prekur 33 milionë euro. Për këtë arsye, Komisioni Evropian ka vendosur të ngrijë përkohësisht 112 milionë euro financime, deri sa qeveria të ndërmarrë masa konkrete dhe reforma të besueshme.
Drejtoresha e OLAF, Salla Saastamoinen, paralajmëroi se vetëm strategjitë e miratuara nuk mjaftojnë nëse nuk zbatohen realisht.
Ajo kërkon përmirësim të auditimit, kontrollit dhe raportimit nga autoritetet shqiptare dhe thekson rëndësinë e ndërgjegjësimit publik dhe gazetarisë investigative.
Mënyra se si Shqipëria menaxhon këto fonde do të ndikojë drejtpërdrejt në besueshmërinë e saj si vend kandidat për në BE.
