Grabitet Muzeu i Luvrit. Muzeu i Luvrit do të mbetet i mbyllur sot për shkak të një grabitjeje që ndodhi në ambientet e tij, njoftoi të dielën në mëngjes ministrja franceze e Kulturës, Rachida Dati.
Siç thotë ajo në postimin e saj në X, grabitja ndodhi këtë mëngjes, gjatë hapjes së Muzeut, pa asnjë të lënduar, ndërsa hetimet e autoriteteve janë duke vazhduar.
Muzeu i Luvrit është muzeu më i vizituar në botë dhe strehon disa nga veprat më të rëndësishme në historinë botërore.
Siç raportohet nga LeParisien, autorët e krimit, tre në numër, të veshur me kapuçë, hynë në ndërtesën ku po zhvilloheshin punimet duke përdorur një ashensor shërbimi fituan qasje në dhomën e synuar.
Konkretisht, dy nga grabitësit hynë me forcë në ndërtesë, duke thyer xhamat dhe njëri priste jashtë.
Nga aty, sipas të njëjtit burim, ata vodhën nëntë bizhuteri nga koleksioni i Napoleonit dhe Perandoreshës: një gjerdan, një diademë, një brosh dhe të tjera.
