Gjatë një takimi në Shtëpinë e Bardhë me Kryeministrin australian, ish-presidenti amerikan Donald Trump u shpreh se konflikti mes Rusisë dhe Ukrainës është i vështirë për t’u zgjidhur për shkak të antagonizmit personal mes liderëve të dy vendeve.
“Rusia dhe Ukraina janë një nga çështjet më të vështira. Të dy liderët e urrejnë njëri-tjetrin dhe kjo e komplikon gjithçka,” tha Trump, duke iu referuar Vladimir Putinit dhe Volodymyr Zelenskyt.
Sipas tij, tensioni personal mes tyre është një pengesë serioze për arritjen e një marrëveshjeje paqeje, por ai nuk e përjashtoi mundësinë e zgjidhjes.
Në lidhje me fitoren e Ukrainës, Trump u shpreh skeptik: “Nuk kam thënë se do të fitojnë, por kam thënë se mund të fitojnë. Në një luftë ndodhin gjëra të papritura.”
Trump e përshkroi luftën si “një situatë shumë e çuditshme” që sjell tragjedi dhe zhvillime të paparashikueshme.
