Policia ka arrestuar 42-vjeçarin F.I., banues në Kavajë, i cili dyshohet se për tre vite ka shfrytëzuar një 30-vjeçare për prostitucion, brenda Shqipërisë dhe në Itali.
Viktima ka bërë kallëzim në polici, duke denoncuar rastin e shfrytëzimit nga ai.
Specialistët për Hetimin e Trafiqeve të Paligjshme, në bashkëpunim me shërbimet sociale, kanë siguruar akomodimin e 30-vjeçares në një qendër të posaçme për mbrojtje dhe ndihmë.
Rasti është referuar Prokurorisë së Durrësit, që vijon hetimet për dokumentimin ligjor dhe ndjekjen penale për veprat “Trafikimi i personave të rritur” dhe “Shfrytëzimi i prostitucionit”.
Autoritetet po punojnë për të garantuar drejtësinë dhe mbrojtjen e viktimës.
