Presidentja nderi e Komisionit të Venecias, Hanna Suchocka, e cilësoi reformën në drejtësi si një nga sfidat më të mëdha për vendet që kanë kaluar nga sistemi komunist.
Gjatë një diskutimi mbi reformën zgjedhore në Tiranë, ajo theksoi se përvoja shqiptare tregon se transformimi i gjyqësorit kërkon jo vetëm ndryshime ligjore, por edhe një ndryshim të mendësisë.
Sipas saj, reforma ka ndikuar ndjeshëm në rritjen e besimit të qytetarëve ndaj sistemit të drejtësisë. “E rëndësishme nuk është vetëm të bësh drejtësi, por të ndërtosh institucione të pavarura që frymëzojnë besim,” u shpreh ajo.
