I penduari i drejtësisë, Nuredin Dumani, është transportuar me urgjencë në spital pas problemeve shëndetësore që ka shfaqur në qeli.
Pas ngjarjes, në media u përhapën dyshime se ai mund të jetë helmuar, ndërsa u raportua se kishte konsumuar karkaleca deti para se të ndjehej keq.
Megjithatë, këto dyshime nuk janë konfirmuar zyrtarisht.
Në lidhje me rastin, SPAK ka sqaruar se çështja nuk bën pjesë në kompetencat e saj, duke theksuar se për informacion të mëtejshëm duhet të kontaktohen Drejtoria e Përgjithshme e Burgjeve dhe Drejtoria për Mbrojtjen e Dëshmitarëve dhe Bashkëpunëtorëve të Drejtësisë.
Gjendja aktuale e Dumanit dhe shkaqet e problemeve shëndetësore mbeten ende të paqarta.
