Katër persona janë paraqitur në Gjykatën e Durrësit pas ngjarjes së rëndë në një lokal, ku u vranë 33-vjeçari Flori Paluçi dhe 23-vjeçari Aranit Kurti, pas një konflikti për një kafe. Gjykata vendosi masat e sigurisë “detyrim paraqitjeje” dhe “ndalim daljeje jashtë shtetit” për Erald Cani, Ergi Kadiu dhe vëllezërit Taulant e Emirjan Beqja, të akuzuar për moskallëzim krimi.
Në kërkim mbetet Daniel Pepa, i dyshuar si autori i vrasjes së Flori Paluçit.
Sipas hetimeve, konflikti filloi verbalisht në lokal dhe eskaloi me përdorimin e armëve, duke sjellë vdekjen e dy të rinjve. Autoritetet po vijojnë kërkimet intensive për kapjen e Daniel Pepës dhe të shtetasit të shpallur në kërkim G.A.
