Dy subjekte janë gjobitur për tregtimin me pakicë të produkteve për mbrojtjen e bimëve. AKU ka shtrirë kontrollet dhe inspektimet në disa qarqe, mes tyre në Lezhë dhe në Fier.
“Në njërin nga subjektet u vendos masë administrative “gjobë”, për shkak të ushtrimit të aktivitetit pa licencë, ndërsa në subjektin i cili kryente aktivitetin e riambalazhimit te PMB-ve u vendos masa administrative “gjobë”, për shkak të tregtimit të PMB-ve në shkelje të kërkesave ligjore, si dhe u krye bllokimi i aktivitetit, i cili do të pasohet me propozimin për revokim të licencës së subjektit” thuhet në njoftim.
