Avokati i Ilir Metës, pas shtyrjes së seancës sotme paraprake në GJKKO, deklaroi se gjyqtarja e çështjes Irena Gjoka po pezullon procesin pa të drejtë. Sipas Cakranit, Gjoka po bën këto verprime sepse është e shantazhuar nga lart duke qenë se është nën hetim.
Sipas tij mbi ish-presidentin Meta po bëhet një gjykim politik të komanduar nga lart në qeveri, ku e shtyjnë gjyqtaren të pezullojë gjykimin me pretekste të qëllimshme në mungesën e një avokati të një pandehuri tjetër.
“Do mbajmë qëndrimin tonë sa i përket Irena Gjokës, me këtë është e vështirë që të vazhdojmë procesin. Unë prezent aty ajo pezullon afatet se mungon një avokat i një të pandehuri tjetër. Në vendime thuhet se kur mungon pa arsye avokati i të pandehurit.
Unë jam aty jam prezent dhe ajo vazhdon pezullon. Çfarë t’i bëj Gjokës kur ajo është në shantazh. Ia thashë në sy se ty prokurorët po të shantazhojnë dhe po të hetojnë. Halli i saj është se ka mashtruar drejtësinë“, tha Cakrani.
