Një ngjarje e rëndë ka ndodhur sot në lokalin “City Lounge” në zonën e Komunës së Parisit, ku kuzhinieri 34-vjeçar Indrit Ismaillari u qëllua me thikë nga kolegu i tij, 41-vjeçari Filip Shehu.
Policia njofton se rreth orës 15:30, Shehu goditi Ismaillarin gjatë një konflikti për motive të dobëta. Viktima u transportua menjëherë në spital, por nuk arriti të mbijetojë nga plagët e shumta në qafë dhe bark.
Autori i dyshuar u arrestua menjëherë dhe po hetohet nga grupi hetimor për sqarimin e plotë të rrethanave. Raportohet se konflikti mes tyre ishte i vazhdueshëm, ndërsa Shehu pretendonte se viktima e bullizonte në ambientet e punës.
