Dy ngjarje tragjike janë regjistruar këtë të mërkurë në Domje të Tiranës, ku dy punonjës kanë humbur jetën gjatë punës.
Në rastin e parë, një 69-vjeçar ra nga lartësia teksa punonte në një objekt ndërtimi dhe ndërroi jetë në vend. Policia ka arrestuar një nga administratorët e firmës dhe ka shpallur në kërkim tjetrin.
Ndërsa në një ngjarje të dytë, një 75-vjeçar humbi jetën gjatë riparimit të një porte, pasi u dëmtua nga mekanizmi lëvizës. Për rastin është nisur hetim ndaj pronarit të banesës.
Hetimet për të dyja aksidentet vazhdojnë për të përcaktuar përgjegjësitë ligjore.
