I ftuar në emision, avokati Poli Hoxha komentoi situatën e ndërtimit të Aeroportit të Vlorës, duke e lidhur me konflikte të mëparshme ligjore si rasti i Tunelit të Llogarasë.
Ai theksoi se, megjithëse aeroporti do të ndërtohet, çështja mund të përfundojë në SPAK për shkak të mosmarrëveshjeve civile mes ortakëve dhe manovrave të dyshimta financiare.
“Aeroporti i Vlorës do të ndërtohet, por në të njëjtën kohë kjo çështje mund të përfundojë në SPAK, ashtu si ndodhi më parë me Tunelin e Llogarasë. Aktualisht kemi një konflikt civil mes ortakëve, të cilët nuk janë në gjendje të bien dakord. Gjithçka ka filluar mbrapsht që në fillim. Pas marrjes së koncesionit dhe të kreditit për projektin, disa nga aksionerët shesin pjesët e tyre për vetëm 5 mijë euro, gjë që tregon manipulime dhe lojëra financiare të pafund. Këto lloj situatash janë të zakonshme dhe krijojnë shqetësime serioze për transparencën dhe menaxhimin e projektit,” shprehet Hoxha.
