Kontrata 1.4 milion euro e Sali Berishës me Chris LaCivita dhe deklarimet financiare të partive politike për zgjedhjet e 11 majit do të kalojnë në sitën e audituesve të Komisionit Qendror të Zgjedhjeve.
Kreu i KQZ, Ilirjan Celibashi, theksoi se “Është ende herët për të komentuar se sa e si kanë shpenzuar partitë politike në fushatë. Duhet analizë, ne do të bëjmë auditim për të parë si janë shpenzuar këto para dhe financimin e partive politike.”
Ai gjithashtu informoi për zgjedhjet e pjesshme që do të mbahen më 9 nëntor në 5 bashki: Vlorë, Tepelenë, Cërrik, Mat dhe Berat, ku qytetarët do të zgjedhin kryebashkiakët e rinj. KQZ ka testuar pajisjet e identifikimit elektronik dhe është gati për procesin.
