Zbardhen detaje të reja nga vrasja e dyfishtë që ka ndodhur sot në fshatin Golluboc të Malishevës. I dyshuari për këtë ngjarje është dhëndri i viktimave. Sipas informacioneve të para nga mediat në Prishtinë, pas kryerjes së krimit, ai është larguar nga vendi i ngjarjes.
E shkuara e zezë e dhëndrit që vrau dy vëllezërit para derës së shtëpisë
Raportohet sipas mediave në Prishtinë se viktimat janë Driton Morina dhe Naim Morina rreth 32 dhe 45 vjeç.
I dyshuari, sipas hetimeve paraprake, sot ka shkuar në shtëpinë e viktimave për të marrë gruan e tij. Pasi është larguar disa metra, ai është kthyer përsëri dhe ka hapur zjarr ndaj dy vëllezërve që ndodheshin para derës së shtëpisë. Të dy kanë ndërruar jetë si pasojë e të shtënave, njëri në vendin e ngjarjes e tjetri rrugës.
Ai ka pasur edhe më parë probleme me ligjin, ndaj të cilit Prokuroria në Prishtinë kishte ngritur aktakuzë ndaj tij për veprat penale “Dhunë në familje”, dhe “Kanosje”.
