Ish-kryetari i Bashkisë Shkodër, Bardh Spahia, është paraqitur në Gjykatën e Posaçme Antikorrupsion (GJKKO) për seancën gjyqësore ndaj tij.
SPAK e ka çuar për gjykim më 26 shkurt, duke e akuzuar për shkelje ligjore gjatë shkarkimit të drejtorit të Ujësjellës Kanalizimeve Shkodër, pavarësisht vendimit gjyqësor për pezullimin e këtij akti.
Sipas SPAK, më 18 korrik 2022, Spahia, në cilësinë e kryetarit të Asamblesë së Përgjithshme të Ujësjellës Kanalizimeve dhe të kryetarit të Bashkisë, shkarkoi administratorin Mark Molla dhe emëroi një anëtar të FRPD-së.
