Kryeministri Edi Rama komentoi vendimin e Gjykatës Kushtetuese, e cila rrëzoi vendimin e qeverisë për të shkarkuar kryebashkiakun e Tiranës, Erion Veliaj, dhe dekretin e presidentit për zgjedhjet në kryeqytet.
Rama theksoi se Tirana nuk mund të qeveriset me delegim dhe se qytetarët kanë të drejtë të drejtohen nga një kryetar i zgjedhur ligjërisht.
“Është për të ardhur keq, por ka shumë gjëra për të ardhur keq. Përfundimisht nuk ka ca na vjen keq, por të shohim përpara. Asnjë qytet nuk mund të qeveriset me telekomandë apo delegim. Pavarësisht punës së madhe të nënkryetarëve, qyteti ka nevojë për të zgjedhurin legjitim që ta drejtojë atë. Vendimi i Gjykatës Kushtetuese është i drejtë dhe duhet respektuar, por qyteti ka nevojë që kryetari i bashkisë të kthehet në detyrë, sepse ai është i zgjedhur dhe nuk mund të zëvendësohet nga delegimi.”
