Një 39-vjeçar është plagosur sot rreth orës 04:30 në lagjen “Uji i Ftohtë” në Vlorë, pas një konflikti për motive të dobëta.
Sipas policisë, dy persona, D. S., 22 vjeç, dhe G. P., 26 vjeç, të dy banues në Vlorë, kanë goditur me mjet prerës viktimën V. K., e cila ndodhet aktualisht nën kujdesin e mjekëve në spital.
Të dy autorët e dyshuar janë shoqëruar në ambientet e DVP Vlorë, ndërsa grupi hetimor po vijon punën për sqarimin dhe dokumentimin e rrethanave të ngjarjes.
Materialet i janë referuar Prokurorisë për procedurat ligjore të mëtejshme.
