Mario Mitaj vazhdon të konfirmohet si një nga pikat më të forta të Kombëtares shqiptare gjatë kualifikueseve të Botërorit 2026.
Mbrojtësi i majtë ka shkëlqyer me paraqitje të qëndrueshme, duke dhënë kontribut si në fazën mbrojtëse, ashtu edhe në aksionet sulmuese të skuadrës kuqezi.
Falë performancave të tij, platforma ndërkombëtare e statistikave “SofaScore” e ka përfshirë Mitajn në formacionin ideal të Europës për këtë cikël kualifikues, ku ai renditet si mbrojtësi i majtë më i mirë me notën mesatare 7.62.
Ky vlerësim e pozicionon Mitajn si një prej futbollistëve më të rëndësishëm të Shqipërisë dhe një nga talentet në rritje në futbollin europian.
