Sali Berisha pritet të rikthehet sot para Kryeministrisë, ku do të mbledhë mbështetësit e tij në vijim të platformës së re “Foltorja 2”.
Tubimi është parashikuar të nisë në orën 18:00, ndërsa pjesëmarrja pritet të jetë e ngjashme me atë të javës së kaluar, ku numri i protestuesve rezultoi i kufizuar.
Berisha e paraqet “Foltoren 2” si një mënyrë për t’i dhënë zë opozitës jashtë parlamentit, duke akuzuar mazhorancën për bllokim të diskutimeve dhe për mungesë hapësire për debatin opozitar.
Ai ka përsëritur kritikat për procesin zgjedhor dhe për ligje të cilat, sipas tij, dëmtojnë opozitën.
